recent
أخبار ساخنة

افضل واسوء مدارس سواقة في دورتموند fahrschule in dortmund


افضل واسوء مدارس سواقة في دورتموند fahrschule in dortmund
كما عودناكم في موقعنا ان ننشر لكم المواضيع التي تحتاجونها لمساعدكم قدر الامكان للمعيشة في المانيا واليوم سوف نتطرق الى افضل واسوء مدارس سواقة في مدينة دورتموند
وهذا التقيم تم عن طريق تجارب بعض الاخوة العرب في مدينة دورتمود

اولا سوف نبدأ في ترتيب المدارس الاسوء 

1- مدرسة فلورميس florims fahrschule

وتعتبر من اسوء المدارس في مدينة دورتموند وعن تجربة شخصية في هذه المدرسة سوف تضطر لتقود ساعات كثيرة وتهدر الكثير من الوقت والمال فيجب ان تقود مع المدرب اكثر من 6 ساعات لكي يرا فقط كيف هي قيادتك! فهم لايهتمون الا بلمال وبعد ان تنتهي من القيادة سوف تنتظر لمدة اشهر للحصول على موعد الامتحان وبعد الحصول على موعد سوف يخبرك المدرب انك لم تقود لمدة اشهر ويجب عليك القيادة من جديد لانك ربما نسيت القيادة 
ومن اسوء المدربين في هذه المدرسة هو البي 

2-مدرسة الفاروق fahrschule faruk

سوف نترك لكم هنا تجربة شخص سوري حصلنا عن تجربنة عن طريق الفيس بوك
 رح احكيلكن حكايتي مع مدرسة الفاروق تبع تعليم السواقة لا تقرفو
رحت لعندن و انغريت انو العالم كلا عم تسجل عندن و انو التسجيل عندن رخيص ب 100€ بس و بلشنا نحضر نظري و طبعا هاد الشي كان عحسابي بالاول و لهون كان الوضع تمام
بعد عناء طويل اجتني موافقة من الجوب سنتر انو يدفعلي لشهادة السواقة ف انبسطت و رحت لعندن و عطيتن كل الوراق و سالتن انو ازا بيرجعولي التسجيل يلي دفعتو او حق كورس الاسعافات الاولية طبعا قالو لا
قلت اوك مو مشكلة خليهن تحت الحساب بلكي اضطريت اخد اكتر
طبعا بالف يا ويلاه و الف خناقة لحتا رضيو بلش سواقة بحجة انو عندن ضغط كبير و بتحس حالك عم تشحد منهن شحادة بس قلت يا اخي دافع مية بلا ما تروح عليك كمل و خلص منها
بلشنا بالسواقة اجاني مدرب اسمو نهات هاد زلمة متعدي عالمصلحة مالو علاقة بالتدريس ابدا شغلتو جزار يقص من لحمك و ياخد منك مصاري قد ما بيقدر و اول كم درس طوال وقتو عم يصرخ و يقول هي حقها هيك معك تصلحها و هي حقها هيك معك تصلحا وووو من هالحكي يلي بخليك تتوتر و ما تستفيد من الدرس ابدا لحتا ما ضجت منو مرة و وقفت بالطريق و خرستو
و بعدا انا طوال الوقت بعد بقلو يا نهاد ايمتا الفحص
بقلي لسا بدك كم درس و بروح و بيجي انا و عم سوق بتم بقلك عميل هيك و ساوي هيك ما بخلي مجال انك تخطأ (طبعا مو مشان يعلمك مشان السيارة)
مرت الايام و حددنا موعد الفحص و مشانو لازم يعمللك شي اربع ساعات خصوصي غير كل شي قلنا يلا تدريب و هيك هيك لسا في بمصاري الجوب سنتر
ما خلوني اعمل فحص الا لحتا خلصو كل مصاري الجوب سنتر كانو على ما اذكر شي 32 ساعة بكل هدول الساعات بقلي انو قبل الفحص ما بصير تعمل ساعتين بتتعب و بيروح تركيزك و انو هوة بيحكي مع الفاحص ازا غلطنا و بحاول معو و اغلب الاوقات بيمشي الحال
رحت عالفحص عملت كل شي و تمام التمام و انا و راجع عال TÜV قبل الباب بشوي ما تطلعت عاليمين خلاني كمل صفها بالاخير و رسبني
طبعا نهات كان قاعد ولا طلعلو حس يقلي يلا روح بعدين منحكي
بهاد اليوم انا انتقلت و رحت عولاية تانية بس لسا كل فترة كنت برجع عدورتمند قلت لحالي نفس المبدا تبع انو دافع هون تسجيل و دافع بلا ما تدفع بغير مكان كمان دقيتلو و قلتلو حجزلي موعد و حجزلي و نزلت
قبل بيوم كان بدو اعمل 6 ساعات ليش ما بعرف و تنتين منن قبل الفحص كيف و ليش و شلون زبطت معو ما بعرف
انو دايما بقلي لا ما بصير و هلا صار لازم و صار يقول ازا ما بتعمل عالقليلة اربعة ما في فحص
انا هنو بلشت صرخ عليه انو كيف هيك بتخليني سافر و هلا عم تحكي هيك مالي عامل و تخانقنا سوا و بعدا بتجي السكرتيرة بتحاكيني بهداوة و انا برد عليها و بقبل اعمل 4 ساعات تنتين منهن قبل الفحص و طبعا رسبت من اول ما طلعت من ال TÜV لانو ببساطة استهلكت كل تركيزي بالساعتين تبعاتي و تبع يلي كان معي
بعد ما رسبت رحت عالمكتب و قلتلا عطيني وراقي بدي روح عغير مدرسة قال ما فيني لازم الشيف يوقع و مدري شو و قالتلي منبعتلك ياها بالبريد و عطيتا عنواني الجديد هاد الحكي كان بشهر كانون الاول
اليوم اتصلت فيهن قال ما بصير لازم تروح عالمكتب و توقع ووووو
ما بعرف شو احكي بس شكيتهن لله
هلا مجبور انا اخد اجازة و انزل لعندن مشان اخد شقفة ورقة منهن
يا جماعة الله يشهد عليي ما عم اكتب هالحكي الا من قلب محروق كبو مصاريكن بس لا تحطو رقبتكن بايد واحد نصاب
انا تجربتي مع هالجماعة انن نصابين و مو سائلين عحدا و وقت بشوفو الطالب ما بشوفو انسان بشوفو كيس مصاري قديش بيقدرو يسحبو منو

google-playkhamsatmostaqltradent